Websuper Picnic iepenet earste distribúsjesintrum yn Noarden

Foto: André Keikes

(tekst: persbericht)

Websuper Picnic iepenet earste distribúsjesintrum yn Noarden

Bedriuw spilet yn op útrôljen yn Grinslân, Drinte en Fryslân

It Hearrenfean, 2 novimber 2021 – Online supermerk Picnic iepenet begjin jannewaris in nij distribúsjesintrum op It Hearrenfean om dêrwei it fergees besoargjen fan boadskippen út te rôljen yn Fryslân, Drinte en Grinslân. Okkerwyks begûn de websuper mei it besoargjen fan boadskippen yn Ljouwert, it earste plak yn it Noarden dêr’t it bedriuw aktyf is.

Picnic besoarget de boadskippen yntusken fergees thús by goed 750.000 klanten, ferdield oer 170 Nederlânske plakken. Goed seis jier lyn gie de websuper fan start yn Amersfoort, om dêrnei stadichoan út te wreidzjen nei grutte en lytsere plakken yn ús lân. Okkerdeis wiene Lansingerland en Pijnacker noch oan bar, earder wie ûnder mear al úteinset yn Amsterdam, Utrecht, Ede, Veenendaal, Venlo, Zwolle en Apeldoorn.

300 banen

It distribúsjesintrum oan de Venus 110 op It Hearrenfean is 10.000 fjouwerkante meter grut en biedt aanst wurk oan sawat 300 minsken. “Wy binne yntusken begûn mei it winnen fan nije kollega’s”, sa seit Mulder. “Ambisjeuze minsken út de regio binne fan herte wolkom om by ús te sollisitearjen foar in baan mei takomstperspektyf.”

Sadree’t it nije distribúsjesintrum op It Hearrenfean operasjoneel is, sil Picnic yn mear noardlike stêden de boadskippen fergees thús besoargje foar de leechste priis. Wêr’t de elektryske weintsjes fan Picnic dêrnei yn it strjitbyld ferskine, is noch net bekend. Mei-oprjochter fan Picnic Michiel Muller: “Wy binne op dit stuit yn meardere stêden oan it sykjen nei in romte dêr’t we in hub fêstigje kinne. Wy sjogge al wol dat in soad minsken de Picnic-app download hawwe.”

De kompakte elektryske weintsjes dêr’t Picnic mei besoarget binne miljeufreonlik, stil en se steane net yn ’t paad. Muller: “Troch de boadskippen thús besoargje te litten, besparje klanten in soad tiid en dêrneist stjitte se ek minder CO2 út troch net mear mei de auto nei de supermerk te riden.” Picnic makket dêrneist in ein oan it fergriemen fan iten, om’t it allinnich libbensmiddels ynkeapet dy’t werklik troch de klanten besteld binne.

Oer Picnic

Foar de lansearring ein 2015 hat Picnic trije jier lang yn stilte mei in team fan 30 spesjalisten wurke oan it thúsbesoargjen fan boadskippen sûnder oerstallige tuskenskeakels. De klant kiest hokker rit it bêste útkomt en wit fia de Picnic boadskipperadar oant op de minút presys hoe let de besoarging wêze sil. De kosten fan dizze nije wize fan distribúsje binne sa leech, dat de besoarging fergees is en de boadskippen de leechste priis hawwe. Yn 2018 starte Picnic ek yn Dútslân en yn 2021 yn Frankryk. Picnic is in inisjatyf fan ûndernimmers Joris Beckers, Frederik Nieuwenhuys, Michiel Muller en Daniel Gebler.