Eelke Lok: In politikus dy’t Fryslân foarlûke soe, is in minne politikus

Yn de Tillegraaf stie moandei dat Halbe Zijlstra minister fan bûtenlânske saken wurdt yn it nije kabinet. Der wie daliks in sneue opmerking op twitter fan immen dy’t miende dat Rutte nei kwaliteit sjen soe. Der wie op de Fryske nijsmedia ék in taheakking. Zijlstra soe dan de earste Frysktalige minister fan bûtenlânske saken sûnt 1946 wurde. De lêste Frysktalige wie Eelco Nicolaas van Kleffens dy’t minister fan Bûtenlânske Saken wie yn de perioade om de Twadde Wrâldoarloch hinne.

Eelco Nicolaas van Kleffens. Ik hie noch net in soad fan de man heard. Hy komt net foar yn de histoarje fan polityke partijen yn Nederlân, want Van Kleffens wie partijleas. Dochs siet hy al yn 1939 yn it kabinet De Geer as minister. Mei wol de taheaking dat hy wat liberaal wie. Likegoed koe hy hast neat troch de Twadde Keamer krije, soks is atyd wer ferbûn oan partijen. De Dútsers ha him rêdden yn ‘45. Hy moast mei de oare ministers flechte nei Londen. Watte, hy wie de alderearste dy’t der wie. Yn Londen makke it net mear út dat hy partijleas wie, dêr wie gjin Keamer. Hy hie it ek wol moai, want keningin Wilhelmina ûntsloech De Geer en Pieter Sjoerds Gerbrandy waard minister-president. No ja, dat wie in echte dwerse Fryskprater. Dêr koe Wilhelmina net mei oer wei en dan moast Van Kleffens hieltyd wer mediaterje.

Lees hier verder

eelke lok