Evenementenman Kootstra loopt vast op Liwwadder ziekte – FNP stelt vragen

Foto: Liwwadders

(tekst: FNP)

Fragen n.o.f. stik ´Evenementencoördinator Wiebe Kootstra loopt vast’

Oktober 2023

Skriftlike fragen fan de FNP Ljouwert nei oanlieding fan it stik Evenementencoördinator Wiebe
Kootstra loopt vast op ‘de Liwwadder ziekte’ oan it kolleezje fan boargemaster en wethâlders sa as
bedoeld yn artikel 42, earste lid fan it reglement fan oarder fan de gemeente Ljouwert.

‘De kalinder is histoarysk leech’ 1
yn de Ljouwerter en yn ôfwachting fan de quick scan festivalklimaat
2 hat FNP Ljouwert de folgjende fragen oer eveneminten binnen gemeente Ljouwert.
Wy hearre graach hoe’t de saken der écht foar steane, jim hoege it net moaier te meitsjen dan as it
yn werklikens is. Wy ferwachtsje dernjonken dat de fragen útwreide beantwurde wurde, net inkeld
mei ja of nee.

Brain drain

Hij is de enige niet die, om soortgelijke redenen, de ‘evenementenpoot’ van de gemeente verlaat
→ Hoe hurd is dizze ôfdieling troch de saneamde brain drain rekke en hoe soargje jimme foar it
oanlûken fan nije belutsen amtners mei ûnderfining?

Stijgende lijn
Na corona is de evenementensector alom in het land weer aardig hersteld; “Mar yn Ljouwert net.
Wêrom binne wy net yn dy stijgende lijn meigien?”
→ Yn 2017 wiene der 100 eveneminten mear as yn 2023. Dêr ha wy de folgjende fragen oer:
▪ Wat wie it totale besikersoantal fan de eveneminten yn de jierren 2017 oant en mei 2023?
▪ Hokker eveneminten wiene der yn de jierren 2017 oant en mei 2023?
▪ Wêr (doarp/stêd) hiene dizze eveneminten plak yn de jierren 2017 oant en mei 2023?
▪ 200 eveneminten liket miskien folle, mar as dêr alle wyk-, buert- en doarpsfeesten ek ûnder
falle dan is dat wol wat summier foar de haadstêd fan Fryslân. Hoe sjocht it kolleezje hjirnei?
Onderzoek naar de Friese evenementensector
Toerisme Alliantie Friesland 3 hat in rapport útbrocht oangeande kânsen en bedrigings oangeande de
Fryske evenemintesektor.
▪ Hoe sjocht it kolleezje nei de útkomsten fan it rapport yn kombinaasje mei de sitewaasje yn
Ljouwert?
▪ Wat giet it kolleezje ûndernimmen mei dit rapport yn hannen? Welke saken wurde no of yn
de neie takomst opfolge?

Nuverste dingen
“De organisator moat oan de nuverste dingen foldwaan.”
→ Kin it kolleezje har yn dizze útspraak fine? As FNP hearre wy yndie dat der absurde fragen steld of
foarweardes oplein wurde. Bygelyks de omwenjendenbrief, dy’t jûn wurde moat oan omwenjenden
dy’t allegearre meiwurkje oan de aktiviteit. Wy hearre graach fan de wethâlder of’t hy ek fan tinken
is dat dizze burokrasy folslein oerstallich is en wat hy dêr oan feroarjen giet.
Provinsjale evenemintekoördinator
Oerwaget it kolleezje yn oerlis te gean mei alle Fryske gemeentes en Provinsje Fryslân om 1
Provinsjale evenemintekoördinator oan te stellen. Mei Natura2000 regeljouwing en de oanfraach
fan ferskate frijstellings soe dit in grutte plus wêze foar professionals by grutskalige eveneminten en
frijwillgers by lytsskalige eveneminten.

De FNP Ljouwert soe graach antwurd wolle op de boppesteande fragen en ferwachtet in passende
mjitte fan refleksje op dizze kasus sadat de evenemintensektor yn ús gemeente wer foarút kin.
Mei hertlike groetnis,

Bauke Beert Keizer
Fraksjelid FNP Ljouwert