Skriftlike fragen fan de FNP Fraksje Ljouwert, oangeande kealslach yn Grouster hoareka

(tekst: FNP)

Skriftlike fragen fan de FNP Fraksje Ljouwert, oangeande “ kealslach “yn Grouster hoareka,
no’t de Treemter en de Bierhalle de doarren slúte oan it kolleezje fan boargemaster en
wethâlders sa as bedoelt yn artikel 41, earste lid fan it reglemint fan oarder fan de
gemeenteried fan Ljouwert.

4 febrewaris 2025

Acht kolleezje,
De FNP Fraksje makket har grutte soargen oangeande de “kealslach “ yn de Grouster hoareka
no’t de Treemter en de Bierhalle de doarren slúte.

Yn in doarp as Grou is it tige wichtich om de leefberens op peil te hâlden sawol foar de
ynwenners as foar de toeristen en moat der genôch oanbod wêze foar detailhandel as foar de
hoareka.

Wy hawwe dan ek de folgjende fragen foar it kolleezje:
1. Wie it kolleezje op de hichte dat beide hoareka saken de Treemter en de Bierhalle slúte
soene? Sa ja, hat it kolleezje ek aksje ûndernommen om mei beide eigners fan de
neamde bedriuwen yn petear te gean?
2. Is it kolleezje it mei ús iens dat troch it slúten fan dizze beide hoareka saken, it foar de
ynwenners en toeristen net mear mooglik is om yn eigen doarp te biljarten of út te gean?
Sa ja, hat it kolleezje in alternatyf?
3. Op dit stuit is de doarpskoöperaasje dwaande om in MFS yn de Treemter te realisearjen
en is der op 11 febrewaris o.s. in ynrin bijienkomst. Wy wolle hjir net op foarrút rinne, hoe
de reaksjes binne, mar as blykt dat de ynwenners harren hjir net yn fine kinne is it
kolleezje dan ree om mei de doarpskoöperaasje in oare lokaasje te sykjen?
4. Mocht it MFS wol yn de Treemter komme, wa keapet dan it pand fan de Treemter ? De
gemeente Ljouwert of de doarpskoöperaasje?

Graach sjogge wy op koarte termyn de antwurden op ús fragen temjitte,

Mei freonlike groetnis,
Lyda Veldstra-Lantinga
Fraksje FNP Ljouwert