Kandidaat-riedsleden en kandidaat-wethâlder FNP-Ljouwert fêststeld

Stadhuis – Foto: Wutsje

(Parseberjocht)

Op in bysûndere algemiene ledegearkomste by hotel Duhoux yn Wurdum hawwe de FNP-leden fan de fúzjegemeenten Ljouwert, Ljouwerteradiel en Littenseradiel-Noard (Lyts Baarderadiel) woansdei 31 maaie de definitive kandidatelist fêststeld foar de weryndielingsferkiezings op 22 novimber dit jier. Ek is in kandidaat-wethâlder oanwiisd.

Kandidaten út trije gemeenten yn top-5

Mar leafst 86 leden wiene nei Wurdum kommen om oer de advys-kandidatelist te stimmen. Dat tsjûget fan in grutte belutsenheid by de takomst fan de partij yn de nije grutte gemeente Ljouwert. Yn de top fan de list hawwe de leden inkele wizigingen oanbrocht. Wichtich is dat alle trije gemeenten fertsjintwurdige binne by de earste 5 plakken: Ljouwert en Ljouwerteradiel mei elk 2 kandidaten en Littenseradiel mei 1 kandidaat. Ek de man-frou-ferhâlding sjocht der goed út: 2 froulju en 3 manlju. 

By de gearstalling fan de list is, neist kwaliteit en ûnderfining, rekken holden mei de regionale sprieding en de man-frou-ferdieling. De FNP hopet mei dizze list en it wurk dat ús riedsleden de ôfrûne jierren yn de trije gemeenten út de wei set hawwe, op in soad stimmen, sadat we mei op syn minst fjouwer sitten yn de nije Ljouwerter ried de belangen fan ús ynwenners behertigje kinne.

Kandidaat-wethâlder 

Rikus Sinnema út Stiens is troch de leden oanwiisd as kandidaat-wethâlder. It soe samar kinne dat de FNP aanst frege wurdt om diel út te meitsjen fan in nij te foarmjen kolleezje fan B&W.  Mei Rikus Sinnema as poergeskikte kandidaat is de FNP der klear foar.

Kandidatelist riedsferkiezings Ljouwert-Ljouwerteradiel-Littenseradiel op 22.11.’17.

Fêststeld op de ledegearkomste  yn Wurdum op 31 maaie 2017.

1. Jan-Willem Tuininga                       Stiens
2. Lyda Veldstra-Lantinga                   Grou
3. Folkert Dijkstra                                 Stiens
4. Hinke Roorda                                   Jellum
5. Auke Kleefstra                                  Reduzum
6. Klaas Wassenaar                              Ljouwert
7. Evert Wilstra                                     Ljouwert
8. Rikus Sinnema                                  Stiens
9. Aeltsje de Groot-Zantema              Stiens
10. Yde Dijkstra                                       Ljouwert
11. Saapke de Groot-Voolstra               Ljouwert
12. Bjinse van der Zwaag                       Mantgum
13. Dorothea Deelstra                            Baard
14. Oege Tjerk Schievink                        Wurdum
15. Jantsje Heeringa                                Ljouwert
16. Harm Hansma                                   Jelsum
17. Nynke Beetstra                                 Grou
18. Piet Bakker                                        Hilaard
19. Bernlef Kornelis                                Miedum
20. Martha Haakma-Geertsma            Stiens
21. Jaap Kerstma                                     Feinsum
22. Lys Scarse-de Jong                            Mantgum
23. Albert Seldenrust                              Ljouwert
24. Pieter Roorda                                    Stiens
25. Feikje Toering-van der Weide         Weidum
26. Bartele Kramer                                  Jirnsum
27. Loeki Bijlsma                                      Britsum
28. Henk de Vries                                    Stiens
29. Tsjerk Buma                                       Grou
30. Tette Liemburg                                  Ljouwert
31. Nora Pratley                                      Goutum
32. Pieter Sipke Bouma                          Stiens
33. Sake Janse                                         Jirnsum
34. Hessel Veldstra                                 Grou
35. Grieteloek Kingma-Hansma           Koarnjum
36. Hindrik van der Meer                      Jorwert
37. Reinder Reitsma                                Ljouwert
38. Aesger Stienstra                                Alde Leie
39. Schouwtje Scholte-Tjeerdsma        Grou
40. Jabik Kramer                                      Goutum
41. Richtsje Miedema                              Ljouwert
42. Cees van der Meulen                        Grou
43. Jaap Keizer                                          Jelsum
44. Sybren Posthumus                            Reduzum
45. Annigje Toering-Schuurmans           Mantgum

Kandidaat-wethâlder:

Rikus Sinnema út Stiens

Oanfoljende ynformaasje oer de boppeste fiif kandidaten en oer de kandidaat-wethâlder 

1. Jan-Willem Tuininga, Stiens

Leeftyd: 50 jier.
Berop: administratyf meiwurker Definsje / taksysjauffeur VMNN.
Maatskiplike aktiviteiten: 35 jier frijwilliger en haadkarmaster fan de keninklike iisklup
Stiens; belutsen as frijwilliger by meardere aktiviteiten yn de gemeente Ljouwerteradiel.
Politike ûnderfining: 24 jier lid FNP, 7 jier skaadfraksje, 4 jier bestjoer en 15 jier riedslid yn
Ljouwerteradiel.

Spearpunten:  1. De boarger stiet by my foarop en dat draach ik út yn de ried;

2. Stêd en plattelân moatte lykwichtich bestjoerlike oandacht krije.

2. Lyda Veldstra-Lantinga, Grou

Leeftyd: 60 jier.
Berop: riedslid en kommersjeel meiwurkster by nijs/advertinsjemagazine.
Maatskiplike aktiviteiten: nei 30 jier krekt opholden as frijwilliger by it Jopie Huisman
museum yn Warkum.
Politike ûnderfining: riedslid Boarnsterhim 1990-2002; steatelid provinsje Fryslân 2003-2006;
riedslid Boarnsterhim 2006-2014; riedslid  gemeente Ljouwert 2014 – 2018.

Spearpunten:   1. Behâld fan de leefberens yn de doarpen;

2. Behâld fan lytse skoallen.

3. Folkert Dykstra, Stiens

Leeftyd: 63 jier.
Berop: konstruksjeberekkeningen dwaan foar boubedriuwen en partikulieren.
Maatskiplike aktiviteiten: Ik help elkenien foar safier it yn myn mooglikheden past.
Politike ûnderfining: 18 jier riedslid foar FNP-Ljouwerteradiel.
Spearpunten:   1. Stribje nei in libben plattelân (it spûkbyld sa as yn Spanje, Frankryk, Italië ensfh. fyn ik ferskriklik).

2. Stribje nei in iepen, transparant en kontrolearber iepenbier bestjoer.

4. Hinke Roorda, Jellum

Leeftyd: 61 jier.
Berop: trainer ‘begeleid ontdekkend leren’ binnen it zmlk ûnderwiis en organisaasjes foar
minsken mei in ferstanlike beheining, selsstannichheidsbefoardering; kliïntstiper yn
thússituaasjes foar minsken my harsenletsel; foar in part mei pensjoen, eigen kar, om romte
te meitsjen foar de gemeentepolityk.
Maatskiplike aktiviteiten: net struktureel ergens oan ferbûn, mar iepensteand foar help yn
doarp en buert.
Politike ûnderfining: 1 jier FNP-bestjoer  en 4 jier riedslid Littenseradiel.

Spearpunten:   1. Kommunikaasje, sizze wat je dogge en dwaan wat je sizze. Iepen en

transparant en fan ûnderen op.

2. Stêd  en doarpen moatte mekoar fine en mekoar fersterkje  mei-inoar kinne wy der in moaie gemeente fan meitsje.

5. Auke Kleefstra, Reduzum

Leeftyd: 52 jier.
Berop: fruchtbeamkweker / hofker.
Maatskiplike aktiviteiten: bestjoerslid/foarsitter St. Slach by Warns ca. 1990-2000; foarsitter
Noordelijke Pomologische Vereniging 1989-1994; foarsitter St.Fruit yn Fryslân 2003-2012;
bestjoerslid Ûndernimmersferiening Bornego, Aldeboarn 1991-1994.
Politike ûnderfining: skaadfraksje D66-Assen 1987-1989; skaadfraksje/bestjoer FNP-
Boarnsterhim 1989-1997; skaadfraksje/fraksje-assistint polityk poadium FNP-Ljouwert
2013-2017.

Spearpunten:   1. Fan de FNP in middelgrutte partij yn de Ljouwerter polityk meitsje sadat we
meibestjoere kinne. Op langere termyn is faaks sels in posysje as grutste partij mooglik.
Der moat dan al in effektive strategy en fisy oan te’n grûnslach lizze. De kiezer yn de stêd
moat op in oare wize ‘ferovere’ wurde as de plattelanner.

2. De Fryske taal in lykweardich plak jaan yn it deistich libben yn de gemeente
   Ljouwert. De ynstruminten dêrfoar lizze foar in grut part by de gemeentlike oerheid.

Kandidaat-wethâlder

Rikus Sinnema, Stiens

Leeftyd: 59 jier.
Berop: ûndernimmer/foarsitter Rie fan Bestjoer.
Maatskiplike aktiviteiten: wurkgroep ta behâld fan bunker Koehoal.
Politike ûnderfining: 7,5 jier riedslid fan gemeente Menameradiel (maart 2010-okt. 2016).

Spearpunten:   1. Mear mooglikheden foar swiere soarch yn de doarpen.

2. In goede balâns sykje tusken stêd en plattelân. De stêd moat krekt as de doarpen libben bliuwe. Dus beide moatte foarsjennings nei aard en skaal ha.

3. Sa folle mooglik lytse skoallen behâlde as dat finansjeel mooglik is.

FNP Gemeenteraadsverkiezingen