Geart Benedictus en Jannewietske de Vries naar Straatsburg voor het Fries

(tekst: persbericht)

Ljouwert, 18 jannewaris 2011

PARSEBERJOCHT

Fryske organisaasjes �tnoege foar oerlis mei Europarlemintari�rs

Harksit oer it Frysk troch Intergroup Europeesk Parlemint yn Straatsburch

Ljouwert – Op tongersdei 20 jannewaris komt de posysje fan it Frysk yn Nederl�n oan de oarder op in harksit fan de Intergroup for Traditional Minorities, National Communities and Languages fan it Europeesk Parlemint yn Straatsburch.

De oanlieding is dat Nederl�n op ferskate m�den net foldocht oan de �fspraken dy�t makke binne yn it ramt fan it Europeesk H�nf�st foar regionale en minderheidstalen en it Ramtferdrach oangeande de beskerming fan nasjonale minderheden fan de Ried fan Europa. Al trije kear earder hawwe eksperts fan de Ried fan Europa ferskate oanbefellings dien. Foarbylden binne fierdergeande desintralisaasje, maatregels te nimmen om de posysje fan it Frysk yn it �nderwiis en yn de media te ferbetterjen, mear oerlis mei de Fryske oerheid en it fierder stimulearjen fan it Frysk yn de rjochtseal. Soks wurdt as teloarstellend sjoen, want Nederl�n wie yn 1998 ien fan de earste fiif lidsteaten fan de Ried fan Europa dy’t it neamde H�nf�st �ndertekene en ratifisearre en d�rmei rjochtsjildich makke. It ent�sjasme fan lidsteat Nederl�n fan de earste jierren is fier fuortsakke, want tsjintwurdich sjocht it Ryk ek gjin k�ns om de Ried fan Europa op ‘e tiid de frege ynformaasje te leverjen.

De Intergroup hat it Frysk op de wurklist set nei oanlieding fan it brief dat 17 Fryske organisaasjes, feriene yn it Europeeske Buro foar Lytse Talen (EBLT), oer it Frysk yn Nederl�n skreaunen oan de Ried fan Europa en it Europeesk Parlemint. It EBLT en it Steatekomitee Frysk – d�r’t alle politike partijen yn de Fryske steaten yn fertsjintwurdige binne – binne �tnoege om harren brieven en st�npunten ta te ljochtsjen. It is foarsafier bekend foar it earst dat it Frysk apart op de wurklist stiet fan in gearkomste fan in kommisje fan it Europeesk Parlemint.

Tidens de gearkomste op tongersdei 20 jannewaris sille in fertsjintwurdiging fan it EBLT, in grutte fertsjintwurdiging fan it Steatekomitee Frysk, Geart Benedictus (Earste Keamerlid) en Jannewietske de Vries (deputearre) yn Straatsburch mei de leden fan de Intergroup fan it Europeesk Parlemint en meiwurkers fan de Ried fan Europa yn petear.

De Intergroup fan it Europeesk Parlemint ferienet Europarlemintari�rs dy�t sels in minderheidstaal prate of opkomme foar de rjochten fan minderheidstalen. Sa�n tsien persint fan �e ynwenners fan �e Europeeske Uny praat th�s ien fan de tsientallen minderheidstalen lykas it Baskysk, Bretonsk, Frysk, Katalaansk, Fri�lysk, Gaelic, Oksitaansk, S�mi, Sorbysk, ensfh.

Fryske organisaasjes dy�t de brief fan oktober 2010 stypje binne: Af�k, Berie foar it Frysk, Cedin-Taalsintrum Frysk, Freonen fan Omrop Frysl�n, Feriening Frysk Underwiis, Folkshegeskoalle Schylgeral�n, Fryske Akademy, Fryske Rie, Jongereinferiening Frysk Ynternasjonaal Kontakt (FYK), NHL Hogeschool, Omrop Frysl�n, Ried fan de Fryske Beweging, Sintrum Frysktalige Berne-opfang, Stichting Ons Bildt, Tresoar, Tryater en Vereniging Levende Talen – seksje Frysk.