FNP stelt vragen over onbegaanbare stoepen – Foar minsken dy’t graach in kuierke meitsjen is Ljouwert spitigernôch net the place to be
(tekst: FNP)
Achte redaksje,
Foar minsken dy’t graach in kuierke meitsjen is Ljouwert spitigernôch net the place to be. Dat blykt út gesprekken mei ynwenners fan ús gemeente, út eigen ûnderfinings mar ek ferskate berjochten op sosjale media. Talleaze foarbylden fan minsken dy’t stroffele binne oer strjitstiennen dy’t útstekke mei faaks slimme ferwûnings as gefolch. Yn in soad situaasjes is dit te witen oan min/gjin ûnderhâld mar yn in part fan de gefallen komt it ek troch it beroerd weromlizzen fan de tegels nei de oanlis fan glêsfezel. Hjiroer hat de FNP Ljouwert yn jannewaris dit jier ek al kolleezjefragen steld mar konkrete aksjes hawwe der noch net west. Dêrneist binne der in soad wanklanken oer de strjitferljochting.
Nei oanlieding fan it boppesteande hat de FNP Ljouwert fragen steld oan it kolleezje fan boargemaster en wethâlders. De kolleezjefragen haw ik taheakke oan dit berjocht. As jo fragen hawwe of neiere útlis hawwe wole, fiele jo jo dan frij om kontakt op te nimmen.
=======
Fragen begeanberens en ûnderhâld stoepen en paden
“Uitstekende tegels maken geen uitstekende stoepen!”
Oktober 2023
Skriftlike fragen fan de FNP Ljouwert oer de begeanberens en it ûnderhâld fan stoepen en paden oan
it kolleezje fan boargemaster en wethâlders sa as bedoeld yn artikel 42, earste lid fan it reglement fan
oarder fan de gemeente Ljouwert.
Acht kolleezje,
Foar minsken dy’t graach in kuierke meitsjen is Ljouwert spitigernôch net the place to be. Dat blykt út
gesprekken mei ynwenners fan ús gemeente, út eigen ûnderfinings mar ek ferskate berjochten op
sosjale media. In foarbyld is in berjocht fan Gré Zuidema út Ljouwert dat op 24 oktober ll. op
Facebook ferskynt. Hjiryn omskriuwt Zuidema hoe’t sy op in stoepe ûnderút gien is en wat de
gefolgen dêrfan wiene, te witten: ankelbannen kniesd, meardere kniesde ribben en in seare hân. It
ûngemak hat plak fûn op de Groningerstraatweg, te hichte de winkel Kreeft Bedden. Oan har
berjocht, dat rjochte oan de Gemeente Ljouwert, hat Zuidema in foto taheakke fan in stik stoepe mei
skeve tegels en in opslútbân dy’t behoarlik útstekt. Under it berjocht ferskine meardere foarbylden
fan minsken dy’t serieus ferwûne rekke binne troch min ûnderhâld fan stoepen en paden. Yn dizze
reaksjes wurde ûnder oaren de kuier- en fytspaden yn Camminghbuorren, de Beethovenstrjitte en de
Populierstrjitte neamd.
Ek yn gesprekken tidens in wurkbesite fan de FNP Ljouwert oan it Sint Anthony Gasthús yn Ljouwert
meitsje bewenners fan de binnenstêd kenber dat de begeanberens fan de kuierpaden nei in sintrum
op in soad plakken net goed is, hielendal foar minsken dy’t min yn ‘e gong binne en/of mei in rollator
rinne. De bewenners fan is Sint Anthony Gasthús neamden spesifyk de Pijlstege, Grote Kerkstrjitte en
de Beijerstrjitte (tusken de Groeneweg en de Gouveneursstrjitte). In bewenster seit dat se fiif jier
ferlyn hjiroer al in brief stjoerd hat nei it Kolleezje mar dat se hjir nea reaksje op hân hat.
Yn in soad gefallen binne de boppesteande foarbylden te witen oan efterstallich ûnderhâld mar ek
troch it ferkeard werom lizzen fan strjitstiennen nei bygelyks it oanlizzen fan glêsfezel. Fan it
lêstneamde binne talleaze foarbylden yn ûnder oare Mantgum, Grou en Stiens. Op 16 jannewaris ll.
hat de FNP Ljouwert hjiroer fragen steld oan it kolleezje. Spitigernôch konstatearret de FNP dat dizze
problemen jit net oanpakt binne.
In oare faktor dy’t ynfloed hat op de begeanberens en feilichheid fan stoepen en paden is de
strjitferljochting. En ek dêrmei is it op guon plakken min stel dyn ús gemeente: fytspaden fanút de
stêd nei de omlizzende doarpen wêr’t kilometerslang gjin strjitlantearn te finen is en rotondes yn it
sintrum dy’t ûnfoldwaande beljochte binne wylst auto’s, fytsers en fuotgongers mekoar kruse. Ek
ûnder it berjocht fan Gre Zuidema beneame minsken foarbylden fan paden dy’t min of hielendal net
ferljochte binne. Yn ien fan de reaksjes wurdt de Populierstrjitte neamd. De strjitferljochten docht it
hjir nei sizzen al twa jier net, wylst der mearmaals melding fan makke is. Dêrneist wurdt yn
gesprekken mei ynwenners meardere kearen de rotonde by Hoeksteren dyn Ljouwert neamd. It is in
drokke rotonde wêr’t auto’s, fytsers en fuotgongers gebrûk fan meitsje. Auto’s moatte foarrang
ferliene oan fytsers en fuotgongers mar yn it tjuster binne fuotgongers en fytsers sunder of mei
minne ferljochting min te sjen. De minimale strjitferljochting foeget yn dizze situaasje neat ta oan de
ferkearsfeiligens. By de rotonde Groningerstraatweg / Bleeklaan is dat oars: dêr is de rotonde yn syn
gehiel ek yn it tjuster goed te oersjen.
Fragen:
1. Is it kolleezje op de hichte fan it feit dat in grut part fan de stoepen en paden yn ús gemeente
min begeanber en ûnfeilich binne? Sa nee, kin it kolleezje útlizze wêrom net? Sa ja, wat tinkt
it kolleezje hjir oan te dwaan en op hokfoar termyn?
2. Kin it kolleezje oanjaan wêr’t ynwenners telâne kinne mei harren fragen en klachten oer de
begeanberheid en feiligens fan stoepen, paden en diken en op hokfoar wize (oars as 14-058
want dêr hawwe in soad minsken mei wa’t wy sprutsen hawwe gjin goeie ûnderfinings mei
om’t dit nûmer net of min te berikken is) en op hokker termyn der reagearre en aktearre
wurdt op dizze fragen en klachten?
3. Kin it oanjaan hokfoar konkrete stappen der nommen binnen nei oanlieding fan de
kolleezjefragen dy’t de FNP Ljouwert steld hat oer de grûnwurksemheden nei de oanlis fan
glêsfezel op ferskate plakken yn ús gemeente? Wy hawwe wol antwurden krigen op ús
fragen mar der binne gjin ferbetterings neffens ús ynwenners. Kin it kolleezje útlizze wat dêr
de reden fan is en wannear’t der wol aksje ûndernommen wurdt?
4. De FNP Ljouwert heart fan ferskate ynwenners dat sy fine dat in soad ferkearssituaasjes yn ús
gemeente ûnfoldwaande beljocht en dêrmei ûnfeilich binne. Dielt it kolleezje dizze miening?
Sa nee, kin it kolleezje útlizze wêrom net? Sa ja, wat wol it kolleezje hjiroan dwaan en op
hokfoar termyn?
De FNP Ljouwert soe graach antwurd ha wolle op de boppesteande fragen en soe graach sjen dat der
op koarte termyn konkrete aksjes komme om de earderneamde situaasjes te ferbetterjen.
Mei freonlike groetnis,
Bauke Beert Keizer
FNP Ljouwert

Meer berichten
- De vergeten oorzaak van de huurcrisis: de koper woont in een fiscaal paleis
- Aandacht voor ervaringsdeskundigen in gemeentelijke raadsstukken: deze Friese gemeenten springen eruit
- Friezen vinden vanuit WW bovengemiddeld vaak weer werk
- Iets meer werklozen in oktober – Meer mensen blijven werkloos
- Is het gezeur over de fietshelm nu klaar? Pak de auto aan in plaats van de fiets. Hier de cijfers
- Ruim vijftig jaar sieraadkunst van Ruudt Peters in Museum Arnhem
- Some red flags look like love: NHL Stenden maakt geweld in relaties bespreekbaar
- Datacenters verbruiken 5,0 procent van de elektriciteit
- Restauratie Oldehove duurt langer
- Meer dan 250 inzendingen op www.liwwadder-spreekwoorden.nl
- Veel patiënten in grote problemen bij meerdaagse stroomuitval
- Meer bulkaanbiedingen op vlees ondanks groeiende kritiek – Dirk en Lidl al gestopt
- Pro Friesland blaakt van optimisme – Scherpe teksten uit verkiezingsprogramma geweerd
- Camerabeelden minder objectief als bewijs dan vaak wordt gedacht
- Ruim een kwart meer mkb-bedrijven afgelopen 5 jaar
- Ondertussen blijven we onze woningen vullen met materialen waarvan we ons nauwelijks afvragen wat ze doen met onze gezondheid
- Jaarwisseling brengt financiële kansen voor huiseigenaren
- NVM en VGM NL: Huuraanbod historisch laag, steeds meer huurders lopen vast
- Detailhandel zet 3,1 procent meer om in derde kwartaal – Aantal faillissementen licht gestegen
- KHN, De Horecabond en CNV starten campagne voor sociale veiligheid in de horeca
- FNP: ondernemers niet betrokken bij terrasbeleid
- Ondernemers delen groot leeg winkelpand om huur betaalbaar te houden
- ‘Banken moeten medewerkers beter wapenen tegen phishingaanvallen’
- Prognose levensverwachting 65-jarigen: nog 21 jaar in 2032
- De laatste keer dat ik aan geschoren vrouwenbenen heb gedacht is al weer even geleden
- Wanneer PRO, als provinciale partij, geen probleem heeft met woningbouw in De Hem laten ze zich hierover dan ook duidelijk uitspreken
- Leeuwarden eindelijk volwassen dankzij migranten – Sneu, geen bloemen voor de nieuwkomer uit Afghanistan of Syrië
- Sybz en De Walrus serveren de komende jaren lunches en maaltijden voor het Leeuwarder college
- Waarom de elfjarige Ricardo anderhalf uur lang in de kou naar huis moest lopen
- Annemarie Lindeboom: Wat zijn de cijfers hiervan? Waarom zie ik dit nergens? Want dat kan echt aantonen dat het oneerlijk is, toch?
- Het is waar. Komend voorjaar stop ik als advocaat
- Nederland hoort bij klimaatkoplopers, maar verliest terrein
- In oktober 27 procent meer faillissementen dan een jaar eerder
- Sinterklaas brengt Nederland samen: minder scrollen, meer spelletjes
- Caparis in problemen – Raadsleden die de bijeenkomst bezoeken krijgen, naar we aannemen, zwijgplicht opgelegd
- Kinderen hebben vaker een kansrijke start
- Leeuwarden wil één plek voor vragen over zorg, geld, werk en jeugdhulp
- Gemeente Leeuwarden geeft startsein voor aanleg aquathermienet in Baard
- Meer dan 1000 jongeren ontdekken kunst en cultuur tijdens ArtTrip
- Inboedel van mediaman Frank Botman online geveild bij Auctivo




