It wol noch net gesellich wurde by de Omrop

(tekst: Ate de Jong op Facebook)

KONFLIKT K. G. BAKKER EN OMROP FRYSLAN
NET 3, MAR 17 OKTOBER FOAR DE RJOCHTER

De behanneling fan it konflikt tusken K. G. Bakker en de Omrop is útstelt. It sil no heve op woansdei 17 oktober om 13 oere. Publyk is wolkom yn it gerjochtsgebou oan it Saailân yn Ljouwert.

…Wy hoopje dat de Omrop der dan yn slagget net al te djoer fan Bakker ôf te kommen. Leafst hiene wy dat Bakker syn maat Marcell Mijwaart dan ek meinaam. Dat kin makliker, want Mijwaart hat gjin fêst kontrakt.

Dat hawwe wy jim noch net iens ferteld, mar dat sloech in skoftke lyn yn as in bom by de Omrop. Foar Mijwaart is in spesiale konstruksje betocht. Hy krige in lukratyf projekt-kontrakt foar 32 oeren. Hy wol. Oare kollega’s dy ’t as ZZP-er ek graach 32 oeren woene, hiene altyd te hearren krigen dat 24 oeren it maksimum wie. Mijwaart krige in foarkarsbehanneling en de Omropbazen hâlden dat geheim. De Undernimmingsried hie it smoar yn doe ’t dit toch bekend waard.

In bytsje manager wit: Asto in beslút net útlizze kinst of doarst oan it persoaniel, dan doogt it beslút net. Mar de Hearen keazen foar kruip door, sluip door.

Mar miskyn komt it no wol goed út dat Mijwaart ZZP-er is. Dat makket it makliker foar Nina Hiddema om fan him ôf te kommen. Mijwaart fielt warskynlik sels ek wol oan dat syn freonegroepke by de Omrop mei de dei lytser wurdt. Wa wit is dat de reden dat hy alfêst ferskate kollega’s op Facebook “ontvriend” hat.

Dan it allerlêste nijs. Binnen de Omrop wurket in tal och sa brave kollega’s. Yn petysjes en yn de Ljouwerter Krante kieze sy gauris de kant fan Bakker en Mijwaart. Ien fan harren leurt no wer mei in petysje troch it Omropgebou. Krityske kollega’s wurde net benadere, sadwaande witte wy (noch) net wat yn de petysje stiet. Mar de brave kollega’s binne jonge, moderne minsken. Transparant toch? Dus miskyn wol immen de petysje even op Facebook sette? Dan wit elts – de harkers en sjoggers, Anneke en Theo Douma en ik – welke foute kant jim no wer kieze.