FNP: Gemeente neemt loket Grou niet serieus

Lyda Veldstra-Lantinga – Artwork: Keimp

(tekst: FNP)

Skriftlike fragen artikel 41, earste kêst, neffens Reglemint fan Oarder foar de gearkomsten fan de gemeenteried fan de gemeente Ljouwert, yntsjinne troch de FNP fraksje Ljouwert op

Tongersdei 19 maaie 2016.

Acht kolleezje fan boargemaster en wethâlders,
Oangeande: Evaluaasje tsjinstferlieningsloket Grou.
Ynlieding:
Sûnt jannewaris 2014, hat Grou in tsjinstferlieningsloket, dit nei oanlieding fan it weryndielingsbeslút, novimber 2013.
Yn it kolleezje program 2014-2018 is fêstlein dat it loket yn elts gefal 4 jier iepen wêze sil en it budget is foar € 100,000,- jierliks fêststeld.
De iepeningstiiden binne: Tiisdei’s /woansdei’s fan 13.30 oant 17.00 oere

Tongersdei’s fan 13.30 oant 19.30 oere
Doel: It ferstrekken fan ienfâldige produkten/tsjinsten en ynformaasje, útreksels GBA, eigen ferklearrings en it opfreegjen fan ( oanfraach formulieren ) loket foar rydbewizen en reisdokuminten.
Ut de evaluaasje blykt dat der earst 51 besikers per dei kamen en no noch 24 besikers per dei, der is sprake fan in daling fan besikers fan 50%.
Der binne klachten oer de beheinde iepeningstiiden, lange wachttiiden en beperkt oanbod fan produkten en tsjinsten……

Grutte foardiel is de romme parkeergelegenheid.
Derom hat de FNP fraksje de folgjende fragen:
Hat it kolleezje ek ûndersyk dien nei de soarten ynwenners, âld, jong, wol as net yn besit fan eigen ferfier?
As blykt út ûndersyk dat de minsken dy’t no gebrûk meitsje fan it loket âlderein binne of ynwenners sûnder eigen ferfier, is it kolleezje dan ek ree om ek dit loket nei 2018 iepen te hâlden.
Is it kolleezje ek fan doel nei oanlieding fan de klachten hjiroer om de iepeningstiiden oan te passen en/of út te wreidzjen mei in moarns iepening ( bygelyks in tiisdei te moarn fan 9.00 – 12.30 oere )
Troch personiel yn te hieren, is der in foardiel ûntstien fan € 35.000,- op jierbasis, is it kolleezje ree om de kommende jier dit budget yn te setten foar rommere iepeningstiiden?
Is it kolleezje ree nei oanlieding fan de klachten hjiroer om it beheinde oanbod ( produkten en tsjinsten ) út te wreidzjen om sa de meiwurkers mear produktyf te meitsjen.
De FNP fraksje fynt dit gjin goed ûndersiik, wij hawwe ús eigen miening oer wat doarpen nedich hawwe. Wij hawwe genôch ûnderfining opdien mei it Europaplein hoe in gemeente sifers útlizze kin.
Resumé:
De boargermaster spruts moaie wurden by ít beslút oangeande de weryndieling.

De gemeente Ljouwert krijt der mei Grou in “ pareltsje “ bij.

Wat bliuwt hjir noch fan oer as de tsjinstferliening útklaaid wurdt?

Graach soe de FNP Fraksje op koarte termyn graach foar 30 maaie o.s. ( omt dit loket ek by de ôfwagings fan de MTR neamd wurdt ) antwurd hawwe wolle op ús stelde fragen,
Ut namme fan de FNP Fraksje Ljouwert
Lyda Veldstra-Lantinga

Grou