FNP verbaasd over plan 10.000 woningen

(tekst: FNP)

Skriftlike fragen oan it kolleezje fan boargemaster en wethâlders sa as bedoeld yn kêst 41, earste lid, fan it Reglemint fan Oarder foar de gearkomste fan de ried fan de gemeente Ljouwert.

oangeande: “Deltaplan voor het Noorden”

datum : 7 maart 2021

Achte kolleezje,

Yn de Twadde Keamer is de CDA moasje Mustafa Amhaouch oannommen dy’t freget om in Deltaplan voor het Noorden wêryn saken lykas de Lelyline en de wentebou-opjefte by elkoar brocht wurde.

Yn dizze moasje is it regear frege om foar 1 maaie 2021 sa’n plan te leverjen.

De FNP is fernuvere dat BenW op foarhân al oanjûn hat yn de media dat de gemeente sa’n 10.000 huzen ekstra bouwe kin yn Ljouwert.

Dit soe dan boppe op it tal huzen komme moatte yn de noch oan te lizzen wyk Middelsee/de Werp oan de súdwestkant fan de stêd.

Dizze aksje fan it kolleezje komt ús wol rau op it dak want de demokratyske legitimaasje wurdt op sa’n manier op syn kop set.

Wat binne de wurden “De Andere Overheid” dan noch wurdich by dit kolleezje?

Fragen oan it kolleezje:

1. Is it kolleezje ek fan doel, mei it each op de mooglik yngripende konsekwinsjes én mei it

each op de deadline fan 1 maaie, it Deltaplan oan de gemeenteried foar te lizzen foar

beslútfoarming?

Sa ja, wannear kinne wy de stikken yn ‘e mjitte sjen?

Sa nee, wêrom net en hoe wurdt de gemeenteried dan al op de hichte steld fan de ynstek

fan it kolleezje, om dat eventueel te agindearjen?

2. Kin it kolleezje de gemeenteried yn alle gefallen foar de beslútfoarmjende

gemeenterie fan 7 april oankommend ynformearje oer de ynstek fan Fryslân, sadat op dy

datum eventueel noch in debat plakfine kin, foardat saken ‘onomkeerbaar’ binne?

3. Is it kolleezje ek benadere of hifke troch Provinsje Fryslân om ynbring te leverjen foar dat

Deltaplan?

Of hat it kolleezje op eigen manneboet foar de eigen gemeente in bod op tafel lein?

4. Hat it kolleezje fan Ljouwert in koördinearrende rol yn it Noardlike bod?

5. Hat it kolleezje ek ôfstimming socht mei de oare Fryske gemeenten hjiroer?

Sa ja, wat wie it resultaat?

Sa nee, wêrom net?

FNP-fraksje Ljouwert

Jan-Willem Tuininga