FNP: Meiinoar kinne je in soad beskreppe

(tekst: FNP)

Frysk perspektyf foar jongerein

Jongerein binne best ree om hjir te weinjen en te wurkjen, mar dan moat dat wurk der ek wêze. Hoe moai at it is om hjir te meiinoar te wurkjen, nei skoalle te gean en te weinjen, docht bliken út it filmke dat yn gearwurking ûntstien is mei it Fryslân Koleezje (praktyk wurkgroep O3 wat stiet voor onderwijs, onderneming en ondersteuning).
It filmke is makke troch Ruben de Vries. Hy is krekt klear mei de mediaoplieding en hat de kâns krigen om foar ús (as FNPj en FNP) it tema Kansryk foar ús jongerein ut te wurkjen. Meiinoar kinne je in soad beskreppe. Dat lit ek Johannes Rypma ek sjen yn dizze film. De tekst “wurkje tegearre” is oersetten troch Michiel de Waal.

http://youtu.be/FbvYsiVh8kg

De lêste tiid heart men hieltyd faker fan de saneamde ‘braindrain’: De flecht fan heechoplate minsken dy’t nei harren oplieding fuortgeane út Fryslân fanwege harren kânsen op wurk. Dat is trouwens in ferskynsel wat ek spilet yn de oare noardlike provinsjes. De jongerein dy’t hjir fuortset tinkt dat se hjir minder gau karriêre meitsje kinne as yn it westen. Dochs is der net allinnich mar min nijs. Der liket sels wer wat in tsjinbeweging te ûntstean. Ien op de fiif ynwenners fan de Rânestêd wol ferhúzje nei ‘de regio’. Foar in part is dat alderein dy’t weromkomme nei it gebiet fan har jonge jierren, it oare part binne minsken dy’t fan oarsprong gjin bining hawwe mei sa’n regio.
Wurkje en wenje yn Fryslân hat in hiel soad foardielen, wy neame der hjir in stik as wat. Der binne hjir minder files, en de files dy’t hjir steane binne minder lang. It wenjen hjir is goedkeaper. De kriminaliteit is minder as yn it westen. Der is hjir mear boartersromte foar bern. Mear sosjale kontrôle, mienskip! Yn Fryslân is der minder in ‘afrekencultuur’. Troch ferieningslibben binne de ferskillen minder grut tusken de minsken dy’t hjir weinjen. Men komt mear meiinoar yn oanrekking. Ta beslút, it libben is hjir sûner en dat is fansels ek net ûnbelangryk. Foar de FNPj is dit fansels gjin nijs. Lykas de FNP brûke wy al in oantal jier IK (Pompebled) FRYSLÂN.
Mar wat wol de jongerein no eins? It antwurd is tige simpel: in passende baan en wurkûnderfining. Dy twa saken binne frij maklik te realisearjen mei saneamde traineeships. By ferskate grutte bedriuwen, de Provinsje en oare oerheden ha se al trainees yn tsjinst. By in traineeship wurde de minsken, wylst sy by in bedriuw wurkje, ek oplaat binnen dat bedriuw mei de yntinsje dêr wurkjen te bliuwen yn de takomst.
Troch ynnovaasje kinne bedriuwen, organisaasjes, it ûnderwiis mar ek de mienskip sels in grutte stap foarút meitsje op it mêd fan heechweardige wurkgelegenheid. De oerheid, mar foaral de bedriuwen kinne in grutte bydrage leverje oan in goed wurkklimaat yn Fryslân. En de earste multinationals, lykas Philips, fokusje net allinnich mear op it westen. Bygelyks yn Drachten stiet ien fan de meast high-teg farbiken fan Nederlân. Ek Wetsus op it mêd fan wetter en Friesland Campina hawwe hjir harren ûndersykslaboratoaria sitten dy’t heechoplate minsken freegje. De polityk soe in bydrage leverje moatte oan it stimulearjen fan traineeships by bedriuwen sadat de kennisflecht ferminderet as sels stoppet. In grut bykommend foardiel is dat by fakatueres foar heechoplate minsken der as in feit bykomt dat der ek fakatueres frijkomme foar leger opliede minsken.