Kin de regerljouwing foar doarpsfeesten en evenementen fan de gemeente Ljouwert ek ienfâldiger?

Foto: Liwwadders

(tekst: FNP)

Acht kolleezje, Yn de Ljouwerter krante fan ôfrûnw sneon 18 febrewaris stiet in stik oer de bedrigingen foar it fuortbestean fan doarpsfeesten en optochten yn ús provinsje .

1. Is it kolleezje bekend mei it artikel en wat fynt it kolleezje fan de ta neamende druk op de organisaasjes?

2. Hoefolle optochten en doarpsfeesten ha wy in ús gemeente?

3. Binne ek yn de gemeente Ljouwert de lêste jierren minder oanfragen foar doarpsfeesten of eveneminten?

4. Binne der doarpen wêrfan jimme witte dy troch de regeljouwing fan no gjin doarpsfeest mear hâde?

5. Komme jimme dizze problematiek oer de regeljouwing ek tsjen yn de wiken fan Ljouwert?

6. Is de regeljouwing foar doarpsfeesten en oare evenementen fan de gemeente Ljouwert identiek oan die fan oare gemeenten yn Nederlân?

7. Kin de regerljouwing foar doarpsfeesten en evenementen fan de gemeente Ljouwert ek ienfâldiger?

8. Soe in kollektive gemeentlike fersekering ek in opsje wêze kinne?

9. Wat soe de skatting wêze kinne wat de premy foar dit soart fan fersekering de gemeente kostjen giet?

10. Soe it kolleezje mei de organisaasjes fan doarpsfeesten en eveneminten om tafel gean wolle om it hjoeddeistige evenemintenbeloed te evaluearjen en te sjen wêr de organisaasjes tjinoan rinne op it gebied fan regeljouwing en wer it makliker kin?

Jan-Willem Tuininga

Fraksjefoarsitter FNP LJouwert

=====================

FNP: Optochten en doarpsfeesten fertsjinje stipe

 Optochten mei fersierde weinen soargje foar in soad wille yn ús Fryske doarpen. Minsken binne al moannen earder yn it spier mei de tariedings fan de optochten en it bouwen fan de weinen. De optochten sels lûke faak tûzenen minsken nei de doarpen ta. Mei in ferskraaljend foarsjenningsnivo binne it krekt dizze saken dy’t it libben kleur jouwe.

Dizze wike kaam yn it nijs dat ferskate doarpen yn Fryslân ophâlde mei optochten, omdat der hieltyd mear soarch is oer in tanimmend tal regels. Dêr boppe-op komt de soarch oer de oanspraaklikheid fan de organisatoaren fan doarpsfeesten. Yn hast alle gefallen binne dat frijwilligers dy’t mei-inoar moaie dingen op poaten sette foar ús mienskip. It oanfreegjen fan fergunningen, it foldwaan oan wet- en regeljouwing, mar ek it regeljen fan fersekeringen by eveneminten is in tige drege put wurden, dêr’t net elke frijwilliger mear nocht oan hat. It soe tige spitich wêze as dêrtroch de leefberens yn ús doarpen en stêden ferskralet.

Earder hat de FNP him mei in ‘meldpunt bedrige doarpstradysjes’ hurd makke tsjin trochsleine regeljouwing fan de kant fan de oerheid en it faai stean fan tradysjes. Doe is der troch ferskate gemeenten ek aksje ûndernaam. Sa giet de gemeente Noardeast-Fryslân no soepeler om mei regeljouwing by optochten mei fersierde weinen en is yn Waadhoeke evenemintenbelied kaam dat rekken hâldt mei de lokale situaasje.

Ek no komt de FNP wer yn aksje. Net allinnich provinsjaal mar ek yn tal fan gemeenten wurde dizze wike fragen stelt. Bygelyks yn Tytsjerksteradiel, De Fryske Marren, Hearrenfean en Ljouwert.