Jezusmonologen in Agnestsjerke

De Jezusmonologen fan Helmert Woudenberg yn het Frysk
Oerset en spile troch Gooitsen Eenling en Adri Terlouw

Datum: woansdei 18 maart
Oanfang: 20.00 uur
Plak: Agnestsjerke, Buorren 23 te Goutum
Tagongspriis: € 5,00

Kommende tiid bringe Gooitsen Eenling en Adri Terlouw op in oantal plakken yn Fryslân de Jezusmonologen fan teatermakker Helmert Woudenberg, troch Adri Terlouw en Jantsje Post yn it Frysk oersetten. Yn de ‘Jezusmonologen’ jout Woudenberg syn hiel persoanlike fisy op it libben en stjerren fan Jezus fan Nazareth. Yn sân monologen fertelt Jezus sels it ferhaal fan syn eigen libben, stjerren en ek fan syn ferizenis. Oan de iene kant is dat in bekend ferhaal. Tagelyk wurdt it op sa’n nije en oarspronkelike wize ferteld dat al dy bekende eleminten yn in folslein nij perspektyf komme te stean. En sa wurdt it âlde ferhaal wer nij, ferrassend en sprankeljend. Jezus komt ús ticht op ’e hûd. Yn de Fryske ferzje hast noch sterker as yn de Hollânske. De tekst fan Woudenberg is izersterk, mar wurdt yn it Frysk noch direkter. Woudenberg brocht alle sân monologen yn ien foarstelling en spile sels alle rollen. Net allinnich Jezus mar ek de figuren dy’t hy op syn paad tsjinkomt. Eenling en Terlouw spylje tegearre. Yn de iene monolooch is de ien Jezus en spilet de oar de oare rollen, yn de oare is dat oarsom. Ek ha se der foar keazen se yn twa parten te bringen. De monologen ien oant en mei fjouwer – oer de doop, de fersiking yn de woestyn, de op troubrek trapearre frou en de tempelreiniging – brochten se yn jannewaris. De monologen fiif, seis en sân, dêr’t de ferhalen fan de Stille Wike en Peaske yn ferteld wurde, yn maart. Henk Lyklema (piano) en Jinke Lyklema–van Weringh (dwersfluit) soargje as ferbining tusken de monologen foar bypassende muzyk.

Woansdei 18 maart, 20.00 oere: Agnestsjerke ,Goutum