Feest mei toaniel van Riek Landman bij Van der Velde Sneek
Op sneon 4 septimber wurdt "Feest mei toaniel", it nije boek fan Riek Landman, presintearre. Yn it boek fertelt de skriuwster it meinimmende ferhaal fan har libben, dêr’t toaniel sa’n grutte rol yn spilet. Oer har bernejierren yn Drachten, har tiid by it selskip fan Tetman de Vries en har jierren by Tryater, mei prachtige anekdoates en ferhalen oan bysûndere minsken.
Riek Landman is berne yn Drachten Se wurke earst as ûnderwizeres en makke mei ûnder oaren Akke Radsma diel út fan kabaret De Spinnekop kabaret fan Roel Oostra.,Yn 1956 waard se frege by it ferneamde selskip fan Tetman de Vries. Mei dit selskip makke se jierrenlang toernees troch hiel Nederlan - ien fan har kollega's wie Rients Gratema. Yn de jierren sechtich wie se ien fan de akteurs yn it stik "In slet fan tsien dollar" fan Jean Paul Sartre. It stik wie de oanlieding om mei in tal oaren Tryater op te rjochtsjen.
Yn de jierren tachtich waard se as skriuwster bekend mei detektives oer it duo Anke- en Sigrid, en letter ek mei boeken as "In sterke frou." Se wie yn 2008 de skriuwster fan it lêste boekewikegeskink. De muzyk by de presintaasje is fan Gerk Venema, de fêste muzikant fan folkkoor 'Rolling Home' ut Snits.
It boek kostet 17,50 en is te krijen yn alle (internet)boekhannels.
Plak: Boekhannel Van der Velde, Kruizebroederstraat 36, Snits
Tiid: 4 septimber, 14.00 - 15.00 oere
Elk is wolkom
Datum: Vrijdag, 27 Augustus 2010
|
